Կորպորատիվ Սոցիալական Պատասխանատվություն

Ըկերության Կորպորատիվ Սոցիալական Պատասխանատվության քաղաքականությունը միավորում է մի շարք սկզբունքներ և մոտեցումներ, որոնք ուղենիշ են ծառայում Ընկերության համար իր աշխատանքային գործունեության բոլոր ոլորտներում:

Իր գործունեության բոլոր բնագավառներում Ընկերությունն առանջնորդվում է այնպիսի արժեքներով, ինչպիսիք են ազնվությունը, պատասխանտվությունը և թափանցիկությունը, դրսևորելով՝

–         արդար վերաբերմունք բոլոր աշխատակիցների և հաճախորդների նկատմամբ,

–         թափանցիկություն գործնական քաղաքականության մեջ և գործունեության բոլոր ոլորտներում,

–         բարձր ստանդարտներ առողջության, անվտանգության և բնապահպանական ոլորտներում,

–         էթիկայի բարձր չափանիշներ գործարար հարաբերություններում:

Ընկերության ԿՍՊ քաղաքականության շրջանակը և հիմնական սկզբունքերը ներառում են.

1)       սովի, աղքատության և թերսնման վերացում, պարենային անվտանգության ապահովում, առողջապահական խնամքի խթանում;

2)       կրթության խթանում;

3)       երեխաների, կանանց, տարեցների և սահմանափակ կարողություններ ունեցողների կենսական պայմանների բարելավմանն ուղղված ծրագրեր;

4)       գենդերային հավասարության խթանում;

5)       սոցիալական և տնտեսական անհավասարությունների նվազեցմանն ուղղված միջոցառումներ;

6)       շրջակա միջավայրի կայունության ապահովում, բուսական և կենդանական աշխարհի և բնական ռեսուրսների պահպանում;

7)       ազգային ժառանգության, արվեստի և մշակույթի պաշտպանություն;

8)       գիտության ոլորտի, հետազոտական և զարգացման ծրագրերի աջակցություն;

9)       աղետների արագ արձագանք, ներառյալ` օգնության, վերականգնողական և վերակառուցման աշխատանքներ,

10)      պետութան կողմից իրականացվող աջակցության տարբեր ծրագրերին մասնակցություն:

Կայուն զարգացման նպատակներ

Ընկերությունն առաջնորդվում է Միավորված ազգերի կազմակերպության կողմից ընդունված Կայուն զարգացման ներքոնշյալ նպատակներով.

https://www.un.org/sustainabledevelopment/news/communications-material/

• NO POVERTY – Ամենուրեք վերացնել աղքատությունը՝ իր բոլոր դրսևորումներով ու ձևերով;
• ZERO HUNGER – Վերացնել սովը, հասնել պարենային ապահովության և բարելավված սնուցման, խթանել գյուղատնտեսության կայուն զարգացումը;
• GOOD HEALTH AND WELL-BEING – Առողջություն և բարեկեցություն – Ապահովել առողջ կյանք և խթանել բարեկեցություն բոլորի համար՝ անկախ տարիքից;
• QUALITY EDUCATION – Ապահովել ներառական ու համապատասխան որակյալ կրթություն բոլորի համար և խթանել ողջ կյանքի ընթացքում ուսման հնարավորություններ;
• AFFORDABLE AND CLEAN ENERGY – Ապահովել բոլորի համար մատչելի, հուսալի, կայուն և ժամանակակից էներգիայի հասանելիություն;
• DECENT WORK AND ECONOMIC GROWTH – Խթանել կայացած, ներառական և կայուն տնտեսական աճ, լիարժեք և արտադրողական զբաղվածություն և արժանապատիվ աշխատանք բոլորի համար;
• INDUSTRY, INNOVATION AND INFRASTRUCTURE – Ստեղծել դիմակայուն ենթակառուցվածքներ, աջակցել ներառական և կայուն արդյունաբերության զարգացմանը և խթանել նորարարությունը;
• SUSTAINABLE CITIES AND COMMUNITIES – Քաղաքները և մարդկային բնակավայրերը դարձնել ներառական, դիմակայուն, անվտանգ և կայուն;
• RESPONSIBLE CONSUMPTION AND PRODUCTION – Ապահովել սպառման և արտադրության կայուն մոդելներ;
• CLIMATE ACTION – Ձեռնարկել անհապաղ գործողություններ՝ պայքարելու կլիմայի փոփոխության և դրա ազդեցությունների դեմ:

Ընկերությունը կարևորում է հաճախորդների պաշտպանվածությունը, ինչի նպատակով հաճախորդներին բացահայտում է ֆինանսավորման հետ կապված բոլոր ծախսերը և միջոցներ է ձեռնարկում հաճախորդների վարկերով գերծանրաբեռնվածությունը կանխելու նպատակով, ինչպես նաև ապահովում է հաճախորդների վերաբերյալ տեղեկատվության գաղտնիությունը:

Ներքին սոցիալական պատասխանատվություն

Ընկերությունն իր աշխատակիցների համար ապահովում է անվտանգ աշխատանքային պայմաններ, որոնք համապատասխանում են բոլոր առողջապահական և սանիտարահիգիենիկ նորմերին, ինչպես նաև առաջարկում է աշխատակիցներին բազմաթիվ արտոնություններ:

Ընկերությունը տրամարդում է բոլոր աշխատակիցներին, ինչպես նաև աշխատանքի դիմորդներին հավասար հնարավորություններ՝ բացառելով որևէ խտրականություն` կապված ռասայի, մաշկի գույնի, էթնիկական կամ ազգային ծագման, կրոնի կամ հավատքի, ընտանեկան դրության և սեռային կողմնորոշման հետ:

Ընկերությունը ձեռնարկում է բոլոր ողջամիտ միջոցները, որպեսզի ապահովի ֆիզիկական խնդիրներ ունեցող աշխատակիցների մասնակցությունը Ընկերության բոլոր գործառույթների իրականացմանը մյուս աշխատակիցների հետ հավասար հիմքերով:

Ընկերությունը խրախուսում է աշխատակիցների մասնակցությունը տեղական և արտասահմանյան կազմակերպությունների կողմից կազմակերպվող վերապատրաստման ծրագրերին:

Բնապահպանական պատասխանատվություն

Ընկերությունը խրախուսում է կառուցապատման և վերանորոգման աշխատանքներում էներգախնայող և էկոլոգիապես մաքուր նյութերի օգտագործումը և աջակցում է հաճախորդներին մշակել և կիրառել էներգաարդյունավետ էներգիայի աղբյուրների կիրառման մեխանիզմներ:

Ընկերությունը կարևորում է բնապահպանական անվտանգության հետ կապված հարցերը իր մատակարար կազմակերպությունների հետ հարաբերություններում` կիրառելով գնումների այնպիսի քաղաքականություն, որն առաջնություն է տալիս է էկոլոգիապես մաքուր նյութեր առաջարկող կազմակերպություններին:

Ընկերությունը ձգտում է առավելագույնի հասցնել էներգաարդյունավետության մակարդակը՝ նվազեցնելով վերջինիս սպառումը լուսավորման, ջեռուցման, օդափոխության և խոհանոցային տեխնիկայի օգտագործման մեջ: Ընկերությունը ձգտում է նաև նվազեցնել օգտագործվող թղթի ծավալը` խրախուսելով աշխատակիցներին օգտվել առավելապես էլեկտրոնային փաստաթղթաշրջանառությունից և վերօգտագործել օգտագործված թուղթը: